باياتيلار

باياتيلار

 

فلکین داد الیندن،   اولمادیم شاد الیندن،   یامان یئرده ییخیلیدم،   توتمادی یاد الیمدن.	دومانلی داغلار گویلوم،   نیسکیللی باغلار گویلوم،   نه آچیلار،نه گولر،   همیشه آغلار گویلوم.	آغلارام آغلار کیمی،   دردیم وار داغلار کیمی،   خزان اولدوم توکولدوم،   ویرانه باغلار کیمی.
من عاشیقام هر آیلار   هر اولدوزلار ،هر آیلار   بوردا بیر گول بیتیبدی،   سوسوزوندان هارایلار.	عزیزیم ، گول الللر،   آغ بیلکلر ،گول الللر،   دریاجا عقلین اولسا ،   یوخسول اولسان گولللر.   www.neymey.blogfa.com	آپاردی چایلار منی ،   هفته لر ، ایلار منی ،   یوکوم قورقوشوم یوکی،   یوردو بو تایلار منی.
آچیلارام گول کیمی،   اوخورام بولبول کیمی،   گویولومه دگن اولسا،   ساراللام سونبول کیمی.	قارا دنیز قارادی اوره ییمیز یارادی بو آمان سیز یول لارین گورونسونو هارادی	گوزلرین خومار ایندی،   یاش توکر یومار ایندی،   توک زولفون سینن اوسته، گورن نار اومار ایندی.
قاشلارین قیبله گاهدی،   قیبله دئسم گوناهدی،   داغلارا دومان چوکسه،   او داغ من چکن آهدی	عاشیق سوزون گیزله در،   سوزون دوزون گیزله در،   سن چمنه چیخاندا ،   لاله اوزون گیزله در.	من عاشیقام هر آیلار،   هر اولدوزلار هر آیلار،   باشیم جلاد الینده ،   دیلیم سنی هارایلار
من عاشیق گول آنباری،   گول اکدیم،گول انباری،   هیجران قویماز گوز آچام،   درد قویماز گولم باری	من عاشیق باشدان یارا ،   آرتیبدیر باشدان یارا،   منی حسرت یاراتدی،   یاردان باشدان یارا. www.neymey.blogfa.com	غوربته دوشدو یولوم،   دوشمن آلیب ساغ- سولوم،   ائلدن آیری دوشه لی،   بو خوولانیبدی قولوم.
من عاشیق آه و زاردا،   جانیم درتده آزاردا،   او گوندن کی قول اولدوم،   ساتیلیدم هر بازاردا .	عزیزیم وطن یاخچی،   کوینکی کتان یاخچی،   غوربت یئر جنت اولسا،   یئنه ده وطن یاخچی	عزیزیم دیلن گز،   باغدا گوله دیلن گز،   غوربتده خان اولونجا،   وطنینده دیلن گز.
سو تک آرخا دولاندیم،   ساپ تک چارخا دولاندیم،   ظالیم فلک الیندن،   قورخا -قورخا دولاندیم.	باهاسیز داشدی دونیا،   چوروک آغاجدی دونیا،   کیمه دئییم دردیمی ،   بوتون قان یاشدی دونیا. www.neymey.blogfa.com	عاشیقین هاراییندان،   ائل یاتماز هاراییندان،   گونده بیر کرپیچ دوشور،   عومورومون ساراییندان .
لای- لای دئدیم یاتاسان،   قیزیل گوله باتاسان،   قیزیل گولون ایچینده،   شیرین یوخو تاپاسان.	لا- لای بئشیگیم لا- لای،   ائویم- ائشیگیم لا- لای،   سن یات شیرین یوخودا،   چکیم کئشیگین لا- لای.      www.neymey.blogfa.com	ننه م ،او نازلی قویون،   قرقاوول گوزلو قویون،   پنیری کسمه- کسمه ،   قاتیقی اوزلی قویون.
ننه م، او خاللی گئچی،   ممه سی باللی گئچی،   اوجا قایا باشیندا،   توتوبدی یاللی گئچی.	عاشیق سوزگون گوزلریم،   غمدن اوزگون گوزلریم،   گوزلدن دویا بیلمز،   باخسا یوز گون گوزلریم.	باغلاریندا اوزوم وار،   گئتمه دایان سوزوم وار،   گوزلریندن قورخورام،   قاشلاریندا گوزوم وار.
آغ آلما،قیزیل آلما،   نیمچه یه دوزول آلما ،   چیرکین آل نجیب اولسون،   بد اصیل گوزل آلما.	ای زامانا، زامانا،   اوخو قویدون کامانا،   ائششکلر آرپا یئییر،   آت حسرتدور سامانا.	عاشیق گلیر سازی وار،   غمزه سی وار نازی وار،   هر باهارین بیر قیشی،   هر قیشین بیر یازی وار.
عزیزیم کاساد اولماز،   مرد الی کاساد اولماز،   یوز نامردین چوره یین،   دوغراسان کاسا دولماز.	من عاشیق دالداسینا،   مرد ایگیت دالداسینا،   نامرد آصلان اولسادا،   سیغینما دالداسینا.	عزیزیم آی اوتانماز،   گون دوغار آی اوتانماز،   پیسین پیس عمللرین،   اوزونه سای، اوتانماز
اوز ه رلیک سن هاواسان، هر بیردرده داواسان، درد قاپیدان گلنده، سن باجادان قووارسان.	دووشان گه زه ر داغلاردا قوشلار اوچار باغلاردا من سئویردیم قوش اولام یار دولانان باغلاردا www.neymey.blogfa.com	منیم سازیم آغلییر اوره ک باشین داغلییر بؤیوک غم اوره گیمی یاندیریر سیزلادییر
کاشکا گول اولمویایدی سارالیب سولمویایدی سن ته ک اوره ک کینه لی کیمسه ده اولمویایدی	داغلار باشیندا لاله   الیمده وار پیاله   سن منیمسن من سنین   دوشمه آیری خیاله	نارینجا باخ نارینجا   ساخلارام سارالینجا   منده اورک قالمادی   یار گویلونی آلینجا
نارینجا باخ نارینجا٬ ال وورما سارالینجا. تولئیدیم قورتولیدیم٬ بوگونلره قالینجا	من عاشیغام نارینجا٬ ایسترم سارالینجا. سونام ساللاندی گلدی٬ لاچین اونون یانینجا www.neymey.blogfa.com	بو باغدا بار اولونجا، هئیوالار نار اولونجا . دیل آچار دلی گویلوم ، سن منه یار اولونجا.
توت آغاجی بو یونجا ، توت یئمه دیم دویونجا . یاری خلوتده گورنده ، دانیشمادیم ( اوپوشمدیم ) دویونجا	خال گؤرمدیم خالینجا٬ خالیندان کام آلینجا . بیلسیدیم وفان بودور٬ دوشمزدیم من دالینجا	امرود آغاجی هاچا٬ بو داغیندا گول آچا . او یارا قوربان اولوم٬ دیندیره گؤیلوم آچا
امرود آغاجی هاچا٬ الیم دولاشدی ساچا . بیر مرد اوغلان ایسترم٬ منی گؤتوره قاچا	یاریما اولسون سلام قوی کی دییم بیر کلام ایستییرم من سنی ایسته منی والسلام	اولدوزلار باتماز آغلار ياري اوياتماز آغلار يار ياردان آيري دوشسه گئجه‌لر ياتماز آغلار
عزیزیم بیر دانا سان صدف سن دوردانا سان من اولسام سنه قوربان سن اولما بیردانا سان	شمع یانار یاغدا اریر قار یاغار داغدا اریر من توشه ن درده توشسه موم اولور داغدا اریر	من بو باغا گلمیشم گول درماغا گلمشم ایتیر میشم گولومو آختارماغا گلمیشم
چاغير سن گئجه ياري باختيندان کئچه ياري يوخودا ياري گوردوم اويناديم گئجه ياري	گئيميسن، آ خارا2 دوشموسن درين آخارا بولبول باخار گول آغلار گولوستاندا او خارا www.neymey.blogfa.com	دورما بيزيم درده سن دئمه اولور درد آسان ظاليم سني درده دوش درده سن مني سالدين
سمندر اودوم آلدي اودومدان او دم آلدي صرافسان ياقوت آختار تاپارسان او دا مالدي	ديمه يارام تئز قانار آنلا ناموس،تئز قان آر عاريفه بير ايشاره قاش- گوزده ن تئز قانار	من آشيق آدام چالار يارمچليق آدام چالار آدامي شاه مار قويوب سوخولجان آدام چالار
من آشيقام ،او سارا من گئديرم اوسارا تولک ترلان ورملر اگر چاتسا او سارا	من آشيق ،يارا سالار غم جانا يارا سالار گئجه دئير:-لاچينام گون گورمز ياراسالار www.neymey.blogfa.com	من آشيقام ،من قانا عاريف مطلب مين قانا بيرجه اورک ياخاسان اوز اولار مين قانا
عزیزی یم گول باغدا   بولبول باغدا گول باغدا   سن سیز باغا گیرمه رم   خزل اولسا گول باغدا	داغ باشیندا قار قالا   دومان کئچه ، قار قالا   بیر آرزوم وار اوره کده   من اولسم ده یار قالا	گل گئدک دولان باغی   گول لری سولان باغی   پروانه دن اؤیرندیم   باشینا دولانماغی
باغچالاردا باد قالدی   دوست چکیلدی یاد قالدی   یار قیسمتیم اولمادی   اوستومده بیر آد قالدی	داغ باشین دولو گؤزلر   ساغ گئدن سولو گؤزلر   گونلر کئچر غربت ده   یار یاتماز یولو گؤزلر	چن گئدیر چمن اوسته   دوشور یاسمن اوسته   یار نه واخت بیزه گلسه   یئری وار سینم اوسته
عزیزیم هئی دردیمی   بو گلن حیدر دی می ؟   کاش آنام ساغ اولایدی   چکئیدی هئی دردیمی	عزیزی یم گینه سن   صفا گلدین گینه سن   فیکریم ، ذیکریم ، خیالیم   سنسن ، سنسن ، گینه سن www.neymey.blogfa.com	داغ باشیندا سار منم   قلبی قره تار منم   دییللر یار کوسوبدی   حتما گوناهکار منم
گؤی اوزونده پرده سن   سالدین منی درده سن   من سنی چوخ سئویرم   گؤیده آللاه یئرده سن	بو گلن جانین اولسون   گلسین مهمانین اولسون   هارا گئتسن تئز قاییت   جانیم قوربانین اولسون	باغیندا ، شیرین ، نه وار؟   یئمه لی شیرین نه وار ؟   گزسن جمله جهانی   سئوگی دن شیرین نه وار؟
دوزلی قیزام دوزدانام   مین درده من درمانام   هاممی منیم قوربانیم   من دیلیمه قوربانام	آدین سنین رباب دی   کونول سنه کباب دی   بیر گل بیزه سن قوناق   سنسیز حالیم خراب دی	ساری گلسین داغا دولسون   بولبوللر باغا دولسون   سئودیگیم یار یولوندا   جانیم صاداغا اولسون
سیر سؤزون منده قالسین   سالدیم کمنده قالسین   جان منده قرار تاپماز   قوی وئریم سنده قالسین	سحرین گولشن چاغیندا   نه گزیرسن باغی بولبول   اوخودون عاغلیم آپاردین   اودون منه یاغی بولبول	زنخدانین خالدی یار   دیل دوداقین بالدی یار   سنده کی بو گوزللیک   عالمه سس سالدی یار
آتیم ، توتوم آلما یار   ائوده یالقیز قالما یار   ال منیم ، اتک سنین   نظریندن سالما یار	یان یانا دوردوغوم یار   چادرین قوردوغوم یار   گوزللیک ده تایین یوخ   قوربانی اولدوغوم یار www.neymey.blogfa.com	دریا درین کیم اوزر ؟   سویو سرین کیم اوزر ؟   بیر وفالی یار اولسا   اوندان الین کیم اوزر
دردیم باغدان بیر چیچک   وئریم سنه آی قویچک   دوغما گونون گلیب دی   بوگون سنه موبارک	عربلر آی عربلر آیاغیندا جورابلار عربه یورد وئرمه یین عرب یوردو خارابلار	آپاردی تاتار منی قول ائده ر ساتار منی یاریم وفالی اولسا آختاریب تاپار منی
بوردان بیر تاتار کئچدی اوخونو آتار کئچدی غم گلدی، غم اوستونه گون گونده ن بتر کئچدی	لایلای بئشیگیم لایلای ائویم-ائشیگیم لایلای سن یات شیرین یوخودا چکیم کئشیگین لایلای	قوربانون قوزی اولسون قوزونون یوزو اولسون قوزودان قوربان اولماز قوی آنان اؤزو اولسون
بو داغلار اولو داغلار چئشمه لی سولو داغلار بوردا بیر ایگیت اؤلموش گؤی کیشنه ر بولود آغلار	عزیزیم، بادا گئتدی یئل ووردو بادا گئتدی دوشمن بیر ایش ایشله دی گنج عؤمروم بادا گئتدی www.neymey.blogfa.com	گؤیلر بولودلو قالدی قوشلار اومودلی قالدی آچاری یار بوینوندا گؤنلوم کیلیدلی قالدی
آتیمیزی قوشالیم داغی-داشی آشالیم سن یاغیش اول، من بولوت یاغارکن قووشالیم	فلكين ايشي دوشسون آغزيندان ديشي دوشسون اونوندا منيم كيمي نامرده ايشي دوشسون	فلكين قهري منه گلميري رحمي منه دولدورور غم باده سين ايچيردير زهري منه
فلكين داد اليندن اولماديم شاد اليندن ياپيشايديم ياخاندان چكييديم داد اليندن	باشيندا دومان وار اوره يمده غميم وار منه جانيم دئيه ن يار ايندي سانير مني ياد	شاليم قارا بوياندي اوجو يئره داياندي منيم آه وناله دن چرخ فلك داياندي
عزيزي يم بو يارا گئدر قالماز بو يارا دوستا ياد دئمه ك اولماز دوست هارا دوشمن هارا	گوزوم قالدی او قاشدا او کیپریکده او قاشدا مجنون تک دلی گویلوم گزیری داغدا داشدا www.neymey.blogfa.com	من عاشیقم اهیم دیلر گوز یاشیم اهین دیلر یار ایله کئچن گونر اولایدی اه ایندیلر
آراز اوسته بوز اوسته کباب یانار گوز اوسته گوی منی اولدورسون دانیشدیغیم سوز اوسته	آغ الما قیزل آلما تاقچایا دوزول آلما بیلسئدیم یار گوندریب ساخلاردیم یوز ایل آلما	آبی دونون آستانا کهلیک گیریب بوستانا قور خورام یاغیش یاغا قارا تئل لر ایسلانا
یار قاپینی آچیبدی نیه رنگین قاچیبدی دور گل، بیزیم باخچایا گور نه گولر آچیبدی؟	داغ باشینی ساری گؤردی گؤز قامشادی تار گؤردی جفاسینی من چکدیم صفاسینی اغیار گؤردی	داغدا دومان یئری وار قاشدا کمان یئری وار بیر جوت نار ایتیرمیشم سنده گمان یئری وار
الیمده علمیم وار قیزیلدان قلمیم وار یاخیندان گوره نمیرم اوزاقدن سلامیم وار	باشیمدا کلاهیم وار سنین تک پناهیم وار گوزگوردی ،گویول سئودی منیم نه گناهیم وار؟ www.neymey.blogfa.com	سؤزی سؤزدن آلان وار زولفون اوزه سالان وار گئدیرسن تئز قاییت گل گؤزی یولدا قالان وار
داغلار باشی قویون دیر آی قیز بو نه اویون دیر سنه موشتولوق وئریم آچیلان آی تویون دیر	دردیوی دئ بیله نه ایش باشینا گلنه سیریوی دئمه کونلوم هر اورویوه گوله نه	حیط لری گولبسر ایچینده گوللر اسر من سنی چوخ ایستیرم سن منی بیر مختصر
اوزه رلیک سن هواسان هر بیر درده دواسان درد قاپیدان گلنده سن باجادان قوواسان	قاشلارین قیبله گاهدی قیبله دئسم گوناهدی داغلارا دومان چوکسه اوداغ من چکن آهدی	عاشیق سؤزون گیزله در سؤزون دوزون گیزله در سن چمنه چیخاندا لاله اوزون گیزله در
گؤزلرین خومار ایندی یاش توکر یومار ایندی توک زولفون سینن اوسته گورن نار اومار ایندی	آچیلارام گول کیمی اوخویارام بولبول کیمی گویولومه دگن اولسا ساراللام سونبول کیمی. www.neymey.blogfa.com	اولسون سنه جان قوربان ای گوزل آذربایجان سن سن منیم دیلبریم اولماز سنه تای جانان
باغچا میزدا قویی وار سرین - سرین سویی وار بیر دانا یار سئومیشم گوزل حالی- خویی وار	عزیزیه م آلما یار ائوده یالقیز قالما یار ال منیم ، اتک سنین منی گوزدن سالما یار	عزیزیه م، گوزوم یار الیم سندن اوزوم یار وعده وئردین گلمه دین قوجاخلادیم دیزیم یار
من عاشیغام، هر آیلار هراولدوزلار، هر آیلار باشیم جلاد الینده دیلیم سنی هایلار	قارا دنیز قارادی اوره ییمیز یارادی بو آمان سیزیوللارین سونو گؤرون هارادی	قاینانامین آدین قویدوم سکینه ناخوشلادی آپاردیلار حکیمه قارقیشلادیم بیرداها قاییتمییا حکیم دئدی سال قویونون تکینه

 

تهیه و تنظیم : هادی جوهری                   www.neymey.blogfa.com               تکثیر آزاد است

 

بير گون بير اوغلانين دويوندو قلبي دئدي: ((سئوگيليمدن مكتوب آلميشام)) اوخودو مكتوبون اوچ كلمه سيني باغيشلا،‌ سئوگيليم نيشانلانميشام!!

مینرم آغ ماشینا چیخارام داغ باشینا توتارام قاینانامی داشی ساللام باشینا

قاینانام چؤرک یاپیر اوزو قاپییا باخیر قوزخورام بیرسؤزائیه م ایت کیمی منی قاپیر